Revolucion në ekonominë italiane? – Pretendetët kryesorë për të fituar zgjedhjet propozojnë taksën e sheshtë

Një taksë e sheshtë e ulët për individët, por edhe për biznesin do të ishte kura e duhur për të rimëkëmbur ekonominë italiane, ulur evazionin fiskal dhe shëndoshur financat publike, deklaroi së fundmi Renatto Brunetta, një aleat i afërt me Silvio Berlusconin dhe një ndër pretendetët kryesorë për t`u bërë ministër i ekonomisë pas zgjedhjeve të 4 Marsit.

Koalicioni i qendrës së djathtë, pritet të fitojë numrin më të madh të vendeve në parlementin e ardhshëm, tregojnë sondazhet, por pa një mazhorancë qeverisëse. Sipas Brunettes, një reformë e tillë do të ishte revolucionare si dhe do të jetë arma kryesore në fushatën elektorale të partisë së tij, Go Italia.

Brunetta propozon kështu që taksa mbi të ardhurat personale të zbresë në 23%, fikse, pra të sheshtë, nga 23% deri në 43% që është aktualisht, dhe ajo koorporative të zbresë në 23% nga 24%. Gjithashtu, ai propozon që të eliminohet taksa famëkeqe rajonale mbi biznesin, prej 4%. Sipas tij, kjo masë, do ti kushtojë arkave të shtetit plot 50 miliardë euro.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.