Rezervat në valutë të Kinës – Rritën për të 11-in muaj radhazi, në një total prej $3.14 trilion
Rezervat në valutë të Kinës janë rritur në nivelet më të larta në 1 vit gjatë Dhjetorit, duke thyer vlerësimet e analistëve, ndërkohë që rregulloret e ashpra dhe juani i fortë kanë vazhduar të dekurajojnë daljen e kapitalit.
Sipas të dhënave të bankës qendrore, rezervat, duke treguar muajin e 11 radhazi të rritjes, u shtuan me 20.2 miliardë dollarë gjatë Dhjetorit, në një total prej 3.14 trilionë dollarë, që është niveli më i lartë që prej Shtatorit 2016 dhe rritja më e madhe mujore që prej Korrikut.
Dalja e kapitalit është parë si një prej rreziqeve kryesore për kinën në fillim të 2017-ës, por kombinimi i kontrolleve të kapitalit dhe fuqizimi i juanit kundër dollarit amerikan, kanë rritur besimin te ekonomia.
Juani u rrit me 6.8% kundër dollarit në 2017-ën, duke u rimëkëmbur nga humbja me 6.5% 2 vite më parë, dhe duke përfunduar 3 vite radhazi të zhvlerësimit. Për vitin e plotë, rezervat valutore të Kinës u rritën me 129.5 miliardë dollarë.
Rregullatori i këmbimit valutor në Kinë deklaroi se do të mbajë rezervat në valutë dhe bilancin ndërkombëtar të pagesave të qëndrueshëm në 2018-ën. Rezervat e kinës kanë rënë me thuajse 1 trilion, nga maja prej 3.99 trilionë që u arrit në Qershor të 2014-ës, deri në Janar 2017.
Që prej atëherë, rezervat kanë treguar rritje. Administrata Shtetërore e Këmbimit Valutor në Kinë ka vazhduar të trajtojë lëvizjet e fondeve jashtë vendit.
Rregullatori lajmëroi muajin e kaluar se do të limitojë tërheqjet jashtë vendit nga njerëzit që përdorin karta të bankave vendase. Vlera e rezervave të arit u rrit me 76.47 miliardë dollarë në fund të Dhjetorit, nga 75,833 miliardë që ishin në Nëntor.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.