Rezultatet e zgjedhjeve, Amerika e ndarë- Demokratët marrin Dhomën, Republikanët Kongresin! Por çfarë do të thotë kjo për Trump?
Amerikanët kanë zgjedhur. Demokratët rifitojnë pas 8 vitesh mazhorancën në Dhomë e Përfaqësuesve ndërsa republikanët mbajnë Senatin. Në fund, në kutitë e zgjedhjeve të mesmandatit ka dalë rezultati i pritur, ai që bën që presidenti Donald Trump të humbasë kontrollin e një prej dy degëve të Kongresit kur mungojnë edhe dy vite nga presidencialet e vitit 2020. Por për Presidentin kjo nuk është dramë.
Marrja e kontrollit në dhomën e ulët të Kongresit për herë të parë në 8 vite do t’u mundësojë demokratëve që të ndikojnë në pengimin e axhendës së presidentit. Por republikanët e Trump janë të vendosur që të forcojnë kontrollin e tyre në Senat.
Vota e fundit komentohet si referendum për Presidentin polarizues të skenës politike, edhe pse ai nuk ishte në garë e nuk do të jetë në krye të saj deri në vitin 2020. Zgjedhjet konfirmojnë një trend historik për partinë që nuk është në Shtëpinë e Bardhë për të arritur rezultatet pozitive në termat e ndërmjetëm.
Demokratja Nancy Pelosi që parashikohet të bëhet drejtuese e Dhomës, një pozicion që e ka mbajtur nga viti 2007 deri në 2011 u tha mbështetësve në Uashington: “Falë jush, nesër do të jetë një ditë e re në Amerikë”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.