Rezultati/Kush është gruaja që zëvëndëson Merkel në krye të CDU-së! Njihet me pseudonimin “miniMerkel”
Annegret Kramp-Karrenbauer është presidentja e re e CDU-së gjermane, që do të zëvëndësojë në detyrë Angela Merkel pas 18 vitesh. Karrenbauer ka marrë 517 vota kundër 482 votave që mori Friedrich Merz.
Annegret Kramp-Karrenbauer ishte përcaktuar nga mediat si kandidate favorite më herët. Ajo është drejtuese e rajonit “Saarland” dhe njihet me epitetin “mini Merkel”. Shtypi ka shkruajtur më herët se ajo shihej si zgjedhja e preferuar e Merkel për ta pasuar në detyrë, pavarësisht mungesës së eksperiencës në politikën kombëtare dhe atë ndërkombëtare. Ajo ka lindur me 9 gusht të vitit 1962. Është rritur në një familje katolike dhe është arsimuar për shkenca politike. Ka qenë gruaja e parë që ka drejtuar rajonin Saarland dhe në periudhën shkurt-dhjetor 2018 ka mbajtur detyrën e sekretares së Përgjithshme të CDU-së.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.