Rifillon puna për rehabilitimin e aksit Klos-Burrel – ARRSH: Ndërhyrjet që do të kryhen

Ka rifilluar ditën e sotme punimet për rehabilitimin e segmentit Burrel-Klos me gjatësi 18.5 kilometra. Këtë e ka bërë të ditur Autoriteti Rrugor Shqiptar, ndërsa ka sqaruar se puna në këtë aks rrugor  ishte ndërprerë për shkak të kushteve të motit në dhjetor të vitit të kaluar.

Sipas ARRSH-së, ndërhyrjet parashikojnë frezimin e shtresave asfaltike të dëmtuara nga bora dhe ngricat si dhe realizimin e shtresave të reja.

“Në vazhdim do punohet me gërmimet e rrugës 🚜ekzistuese të dëmtuar dhe ndërrimin e shtresave të reja me cakëll dhe stabilizant sipas projektit të miratuar dhe pastaj me shtresat e reja asfaltike, binder dhe tapet në të gjithë gjatësinë e këtij seksioni rrugor”, thuhet ndër të tjera në njoftimin e ARRSH-së.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.