“Riformatimi” i administratës – 500 institucione publike në “sitë”

Krijimi i qeverisë së re do të sjellë një ‘riformatim” të shumë institucioneve, duke bërë që administrata publike të ndjejë një “shkundje”.

Aktualisht me prezantimin e strukturës së re të kabinetit qeveritar, ku disa ministri do të ristrukturohen, është bërë e qartë dhe tkurrja e shumë agjencive apo institucioneve të varësisë.

Kështu në analizë janë marrë 500 institucioneve ekzistuese dhe nga 141 agjenci, janë propozuar 104 agjenci. Sipas platformës së paraqitur, e cila është akoma një draft, që mund të rishikohet, do të ketë shkrirje të agjencive me më pak se 10 persona në staf. Po kush janë agjencitë që do të ndryshojnë:

1-Drejtoria e Doganave dhe Tatimeve bëhen një. Emërtohet Agjencia Kombëtare e të Ardhurave.

2- Shkrihen 11 drejtori të autoritetit shëndetësor rajonal, krijohen 4 agjenci të sistemit shëndetësor rajonal;

3-Shkrihen qendra kombëtare e edukimit dhe qendra biomjekësore. Bashkohen me Fondin e Sigurimeve Shëndetësore.

4-Krijohet Agjencia e Sigurimi të Cilësisë së Arsimit parauniversitar.

5-Shkrihen 13 drejtori rajonale të arsimit, krijohen 4 të reja.

6- Shkrihet shtëpia botuese e teksteve shkollore.

7-Shkrihet drejtoria e Metrologjisë. Funksionet i kalojnë Inspektorati Shtetëror Teknik.

8- Shkrihet enti i banesave dhe krijohet fondi i strehimit.

9- ALUIZNI integrohet brenda agjencisë së re të titujve të pronësisë.

10- Krijohet agjencia e mbrojtjes civile, përfshin kompetencat e emergjencave civile.

11- Inspektorati i Mbrojtjes së Territorit, IKMT i bashkohet Ministrisë së Brendshme.

12- Bashkohen kompetencat e Agjencisë kombëtare të Mjedisit dhe asaj të zonave të mbrojtura.

13-Shkrihen 12 agjencitë rajonale të mjedisit dhe krijohen 4 të reja.

14-Krijohet Inspektorati i Mjedisit dhe Ujërave

15-Shkrihen 12 drejtoritë e shërbimit sociale shëndetësor, krijohen 4 të reja.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.