Rihapet katedralja e ‘Notre Dame’- E aksesueshme vetëm nga një numër i kufizuar personash
Katedralja e Notre Dame, hap dyert e saj për adhuruesit, këtë të shtunë, që pas zjarrit që shkatërroi një pjesë të saj në prill. Kryepeshkopata e Parisit njoftoi se katedralja do të jetë e aksesueshme vetëm për një numër të kufizuar personash.
Kjo rihapje e katedralës, vjen në një përvjetor të saj, atë të shenjtërimit të altarit të kishës, e cila festohet çdo vit më 16 qershor.
Miliona njerëz u pikëluan për shkatërrimin e arkitekturës gotike të katedrales gjatë zjarrit, por mrekullisht, pjesa më e madhe e relikeve dhe struktura e saj mbijetoi, duke përfshirë dritaret e famshme me trëndafilave të saj.
Gjenerali francez në pension Jean-Louis Georgelin u zgjodh nga presidenti francez Emmanuel Macron për të udhëhequr restaurimin e katedrales.
“Asgjë nuk është e pamundur për një gjeneral francez,” tha Georgelin për ABC News , duke thënë se ai pajtohet me deklaratën e presidentit Macron, se Notre Dame mund të rihapet plotësisht brenda pesë vitesh.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.