Rihapet kinemaja e parë pas 35 vitesh në Arabinë Saudite – Black Panther, filmi i parë që do të transmetohet

Kinemaja e parë në Arabinë Saudite do të hapet më 18 prill në kryeqytetin e Riyadh, pas plot 36 vitesh.

Autoritetet kanë rënë dakord me “AMC Entartaiment Holdings” për të hapur deri në 40 teatro gjatë pesë viteve të ardhshme.

Këto kinema nuk do të ndahen sipas gjinisë si shumica e vendeve të tjera publike në mbretërinë muslimane, dhe filmi i parë që do të transmetohet do të jetë filmi i Produksionit Marvel, Black Panther.

Arabia Saudite ka patur disa kinema në vitet 1970, por klerikët e saj i mbyllën ato, duke reflektuar rritjen e ndikimit islamik në të gjithë rajonin arab në atë kohë.

Në 2017-ën, qeveria tha se do të heqë ndalimin si pjesë e reformave ambicioze ekonomike dhe sociale të shtyra nga Princi i Kurorës Mohammed bin Salman.

Ai aktualisht është duke vizituar Shtetet e Bashkuara duke kërkuar investime për të ndihmuar në zgjerimin e ekonomisë dhe zvogëlimin e varësisë së saj nga nafta.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.