Rikonstruktohet godina e dispanserisë Tiranë – Do të kushtojë 38.6 mln lekë

Autoriteti Shëndetësor Rajonal ka hapur procedurat e tenderimit për rikonstruksionin e godinës së dispanserisë Tiranë. Për këtë projekt është vënë në dispozicion një fond limit prej 38.6 mln lekësh.

Operatorët e interesuar do të kenë mundësi të dorëzojnë ofertat e tyre  për pjesëmarrje në datën 13 Prill 2018 dhe po brenda kësaj date do të përzgjidhet edhe oferta fituese.

Sa i takon kohëzgjatjes së kontratës, është parashikuar të jetë 6 muaj që nga nënshkrimi i saj.

Përmirësimi i infrastrukturës në shëndetësi dhe konkretisht edhe rikonstruksioni i kësaj godine ishin përcaktuar edhe si një nga prioritetet kyçe të Ministrisë së Shëndetësisë dhe Mbrojtjes Sociale, gjatë prezantimit të projektbuxhetit për shëndetësinë për vitin 2018.

MSHMS ka parashikuar për këtë projekt një investim me vlerë 41 milionë lekë dhe 15 milionë lekë për pajisjet mjekësore.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.