Rikthehet epoka e Luftës së Ftohtë!? – Rusia pranë një pakti monetar me Indinë
Me sanksionet perëndimore që vazhdojnë të godasin ekonominë e Rusisë, Moska mund të ringjallë një marrëveshje monetare me Indinë.
Një marrëveshje rupi-rubla do t’u mundësonte firmave në çdo vend të zhvillojnë biznes pa pasur nevojë për dollarë amerikanë, monedha kryesore e tregtisë ndërkombëtare. Për më tepër, marrëveshjet e bëra përmes këtij mekanizmi do të minimizonin rrezikun e sanksioneve të SHBA-së, të cilat kryesisht e kanë ndaluar Rusinë të kryejë tregti me dollarë jashtë sektorit të energjisë.
Raportet për një marrëveshje rupi-rubla filluan të dalin në sipërfaqe pasi Rusia sulmoi Ukrainën muajin e kaluar. Dhe sipas raportimeve nga Financial Times, Banka Qendrore e Indisë është e përfshirë.
Potenciali për një marrëveshje u theksua kur u bë me dije se India , që është e 3-ta në listë si importuese e naftës, u dakortësua të blinte 3 milionë fuçi nafte nga Rusia nënkosto.
Blerja kaloi përmes kanaleve tradicionale financiare dhe Shtëpia e Bardhë tha se nuk shkel asnjë sanksion. Por qeveritë perëndimore po mbajnë një qëndrim më të ashpër ndaj sektorit energjetik të Rusisë dhe tregtarët globalë kanë shmangur naftën e papërpunuar ruse pasi ata “vetësanksionohen”.
Pra, një pakt rupi-rubla mund të zvogëlojë rrezikun e Indisë për kufizime potencialisht më të ashpra për naftën ruse, duke siguruar gjithashtu që fuqia e Azisë Jugore të ketë akses në marrëveshjet e armëve me Moskën, sipas raporteve.
Edhe përpara se pushtimi rus i Ukrainës të shkaktonte një valë sanksionesh, Rusia dhe Kina kanë kërkuar mënyra për të “dedollarizuar” dhe për të krijuar sisteme alternative financiare./ INSIDER
VJOLA GREMI/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.