Rikthehet koronavirusi në Kinë. Pekini dhe provinca të tjera vendosin ndalim të udhëtimeve
Kryeqyteti kinez ndaloi personat me rrezik të lartë që të dalin nga vendi dhe kufizoi transportin publik këtë javë, për të ndaluar valën e dytë të koronavirusit. Qendra financiare e Shangait kërkoi që disa udhëtues nga Pekini të karantinohen për 2 javë, ndërkohë që 27 rastet e reja me Covid-19 e çuan totalin në kryeqytet në 106. Koronavirusi u shfaq në muajin Dhjetor në një treg ushqimor në Vuhan, qendrën e Hubeit, dhe është përhapur në të gjithë botën, duke infektuar mbi 8 milionë njerëz dhe vrarë 436,000.
Vatra e re në Pekin është gjurmuar në tregun ushqimor me shumicë në jugperëndim të vendit. Deri ditën e Hënë, Pekini etiketoi 22 lagje si zona me rrezik të mesëm, duke kërkuar kontrole të temperaturës për njerëzit që banojnë atje. Grupet me rrezik të lartë në Pekin, përfshirë njerëzit që janë të afërm me rastet e konfirmuara, nuk lejohet të dalin nga qyteti. Të gjithë shërbimet e taksive jashtë vendit janë pezulluar dhe disa itenerarë të distnacave të gjata me autobuz, mes Pekinit dhe provincat fqinje, janë ndaluar.
Shumë provinca kanë vendosur kërkesa të karantinës ndaj vizitorëve nga Pekini, prej shqetësimit të infeksionit. Në 3 ditët e fundit, Hebei, Liaoning dhe Sichuan kanë raportuar raste të reja të lidhura me qendrën ushqimore në Pekin.
Këtë Javë, Shangai i kërkoi karantinë 14 ditore udhëtuesve nga zonat me rrezik të mesëm e të lartë në Kinë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.