Rimbursimi i barnave – Manastirliu: 7.5 mln USD do të përdoren për rritjen e fondeve të përfituesve të skemës

 “7.5 mln dollarë të kursyera nga fondet publike do të përdoren për rritjen e numrit të fondeve të përfituesve nga skema e rimbursimit të barnave dhe zgjerimin e alternativave të mjekimit për të sëmurët kronikë.”

Deklarata ka ardhur nga ministrja e Shëndetësisë dhe Mbrojtjes Sociale, Ogerta Manastirlu, lidhur me vendimin më të fundit të qeverisë mbi indeksimin e çmimeve për barnat e listës së rimbursueshëm. Ndërkohë, ka shtuar më tej se ndryshimet e miratuara një ditë më parë nga Këshilli i Ministrave do të hyjnë në fuqi më 1 mars të këtij vit.

“Paralelisht garantojmë cilësinë dhe sigurinë e barnave për këtë paketë të financuar çdo vit nga buxheti i shtetit në vlerën 1 mln dollarë. Vendimi hyn në fuqi në 1 mars 2019. Janë njoftuar për marrjen e të gjitha masave të nevojshme të gjitha subjekte farmaceutike që kanë marrëveshje me Fondin e Sigurimeve”, u shpreh Manastirlu, ndërsa shtoi se do të punohet edhe këtë vit për realizimin e marrëveshjeve më të gjera me Fondin edhe për sëmundjet tumorale.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.