Rimbursimi nga kuponët fiskalë, afati i fundit për aplikim. Ku duhet të deklaroni të dhënat tuaja për të qenë përfitues
Të gjithë personat që duan të aplikojnë për rimbursimin nga kuponët fiskalë mund të kryejnë aplikimin deri më 31 Tetor.
Lajmi është dhënë nga Administrata Tatimore e Kosovës, ku përmes një postimi thuhet se: “Kanë mbetur edhe pak ditë deri me 31 tetor, si mundësi për të aplikuar përmes ueb-sajtit të ATK-s për t’u bërë pjesë e grupit për rimbursim nga kuponët fiskalë”, thuhet në njoftimin e ATK-së.
Po sipas këtij institucioni, ky kategorizim ka për qëllim gjithëpërfshirjen e procesit të fiskalizimit, si dhe evidentimin e rasteve të bizneseve të cilat konsumatorët i pajisin me kuponë jo-fiskalë.
“Bëhu edhe ti pjesë e kësaj kampanje, përmes së cilës ke mundësi të ndihmosh shtetin tënd!”, thuhet në njoftim, ku ndër të tjera ftohen qytetarë të aplikojnë duke klikuar këtu.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.