Rimbursimi për kuponët tatimorë, sot bëhet shpallja e fituesve. Qytetarët të aplikojnë edhe në muajt nëntor e dhjetor. Vlera e përfitimit
Rimbursimi për kuponët fiskle do të vijojë edhe për muajt nëntor e dhjetor. Lajmi është bërë i ditur nga Administrata Tatimore e Kosovës, ku janë ftuar të gjithë qytetarët të grumbullojnë kuponë gjatë muajve nëntor dhe dhjetor, si dhe të ruajnë kuponët fiskalë të grumbulluara gjatë muajit tetor.
Në një njoftim të fundit ATK thotë se sot do të tërhiqen numrat fitues për kuponët e mbledhur gjatë muajve të mëparshëm.
“Të gjithë ju që keni aplikuar për rimbursim nga kuponët fiskalë, ju rikujtojmë se sonte do të bëhet tërheqja e numrave fitues. Mos harroni të na ndiqni sonte nga ora 18:30, në RTK! Ju falënderojmë që jeni bërë pjesë e kësaj gare, njëkohësisht ju ftojmë të grumbulloni kuponë fiskalë edhe për muajt nëntor dhe dhjetor”, thuhet në njoftimin e ATK-së.
os.de./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.