Rimbursimi i TVSH në 11muaj, paguhen 4.5 miliardë lekë më shumë se në vitin 2016 

Rimbursimi i TVSH nga administrata fiskale përgjatë shumë viteve ka qenë gangrenë për biznesin. Por me ndryshimin e ligjit të TVSH dhe procedurave të rimbursimit, tashmë është përshpejtuar.

Sipas statistikave të  Financave, për 11 mujorin e  vitit të kaluar janë rimbursuar 12.4 miliardë lekë, nga 7.9 miliardë lekë që  janë rimbursuar  në të njëjtën periudhë të vitit 2016.

Por krahas asaj që viti i kaluar ishte një vit elektoral dhe është shumë pranuese që dhe niveli i rimbursimit të jetë më I lartë,  sipas të dhënave, rimbursimi i TVSH ndaj biznesit është përshpejtuar ndjeshëm këto  vitet e fundit.

Ky proces, i cili ka qenë një problem i vazhdueshëm i ngritur nga sipërmarrja, është një faktor i rëndësishëm në marrëdhëniet me tatimpaguesit dhe si një detyrim ligjor, po ecën me hapa pozitive.

Që nga viti 2015 ka hyrë në fuqi ligji I ri për TVSH-në. Në ligj është vendosur që TVSH-ja do të rimbursohet vetëm mbi bazën e analizës së riskut.

Ligji parashikon uljen e kohës së trajtimit dhe dhënies së rimbursimit të TVSH-së nga administratat tatimore 60 ditë për subjektet e zakonshme dhe 30 ditë për eksportuesit.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.