Rimëkëmbja e Eurozonës, ende e brishtë – Lagarde: Do të mbajmë stimujt derisa kriza e pandemisë të përfundojë
Presidentja e Bankës Qendrore Europiane, Christine Lagarde, tha në një intervistë se ekonomia e Eurozonës po nis të rimëkëmbet nga goditja e pandemisë, por rimëkëmbja qëndron e brishtë. Politikëbërësit e bankës së Frankfurtit, kanë nisur të debatojnë për kohën se kur duhet të tërheqin blerjet emergjente të obligacioneve, që kanë pompuar mbi 1 trilionë euro në sistemin financiar që prej nisjes së pandemisë. Lagarde bëri të ditur se ajo nuk është gati të përfundojë Programin e Blerjeve Emergjencë të Pandemisë (PEPP) akoma.
“Ne ramë dakord që të ruajmë programin të paktën deri në Mars 2022 dhe në çdo rast, deri sa të gjykojnë se faza e krisës së koronavirusit ka mbaruar”- tha Lagarde, duke shtuar se ndërsa rimëkëmbja ka nisur, është ende e brishtë. Në nisje të javës, gjermani Jens Weidmann dhe austriaku Robert Holzmann, u bënë guvernatorët e parë tek bordi i BQE që debatojnë hapur mbi përfundimin e programit prej 1.85 trilionë euro.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.