Rimëkëmbja e turizmit ndërkombëtar / OKB: Nuk pritet deri në 2023. Këtë vit do të ketë rënie me 75% të turistëve
Turizmi ndërkombëtar pritet të jetë në stanjacion këtë vit, përveç se në disa tregje perëndimorë, duke shkaktuar 2.4 trilionë dollarë humbje të mëtejshme në sektorin që nuk pritet të rimëkëmbet deri në vitin 2023, sipas një studimi të Organizatës së Kombeve të Bashkuara. Vaksinimi dhe certifikatat ndaj Covid janë thelbësore në rikthimin e besimit tek turizmi, që ofron të ardhura bazë në shumë vende, veçanërisht përmes vendeve të punës në ishujt e vegjël. Në vitin 2020, numri i të mbërriturve ndërkombëtar ra me 73%, krahasuar me nivelet e para pandemisë në 2019-n, duke sjellë humbje të vlerësuara prej 2.4 trilionë dollarë tek turizmi dhe sektorët që lidhen me të, sipas raportit nga Konferenca e Tregtisë dhe Zhvillimit (UNCTAD) dhe Organizatës së Turizmit Botëror(UNËTO) tek OKB. Raporti ka krijuar 3 skenare për vitin 2021. Turizmi ndërkomëtar pritet të bjerë me 63-75% kundrejt niveleve të para pandemisë, me humbje prej 1.7-2.4 trilionë dollarë. “Në turizmin ndërkombëtar, jemi në nivelet e 30 viteve më parë, e për rrjedhojë ndodhemi në vitet 80’. Shumë vende njerëz që varen nga punët sezonale janë në kërcënim”- tha Zoritsa Urosevic, përfaqësuesja nga Gjeneva e Organizatës së Turizmit Botëror të OKB. Zyrtarët bënë të ditur se do të ketë një rimëkëmbje shumë diverse, që do të ndryshojë nga vendi në vend.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.