Rindërtimi nga tërmeti, Laç: “Fillon puna për ndërtimin e 524 apartamenteve në bashkëpunim me qeverinë turke”
Me këtë ceremoni ku i pranishëm ishte edhe ministri turk i urbanistikës, janë hedhur themelet për ndërtimin e një kompleksi banesash 524. Ndërtimi i këtyre banesave është një ndihmë e qeverisë turke, për të cilën kryeministri Edi Rama tha se tregoj edhe njëherë se populli turk është një i madh me shqiptarët.
“Siç e thamë këtu do të ndërtohen 524 apartamente në këtë anë, 200 apartamente të tjera në anën tjetër dhe faktikisht do të kemi një qendër të re, sepse përveç apartamenteve dhe qendrave tregtare do ndërtohet një godinë e re e Bashkisë, një nevojë e hershme po tani e kthyer në imperative pas tërmetit, do ndërtohet një tjetër shkollë e re këtu pranë, kopshti, çerdhja. Do ndërtohet spitali i Ri edhe pse ajo është ende në proces, procedurat kanë përfunduar dhe kontrata është gati. Me kryetarin e Bashkisë po punojmë edhe për transformimin e të gjithë rrugës drejt vendit të Shenjtë të Shën Antonit.”
Me video konferencë ishte edhe presidenti i Turqisë, Rexhep Taip Erdogan, i cili tha se kjo është në ndihmë për popullin vëlla të Shqipërisë.
“Shqipëria është miku dhe partneri i afërt i Turqisë në Ballkan. Ne shohim gëzimin e popullit shqiptar si tonin dhe pikëllimin e tyre si toni9n. Pas tërmeteve në Shqipëri me 21 shtator dhe 26 nëntor i mobilizuam menjëherë mundësitë tona. Pas tërmetit të shtatori nëpërmjet Autoritetit të Fatkeqësive dhe Emergjencave ne kemi dërguar katër maune me ndihma humanitare. Po ashtu pas katastrofës së tërmetit të nëntori ne morëm vendimin për të ndërtuar shtëpitë për vëllezërit tanë shqiptarë. Pavarësisht pandemisë së Covid-19 nënshkruam në korrik protokollin e memorandumit dhe më tej vazhduam me punimet.”
Në këtë zonë të Laçit, do të ndërtohet 524 apartamente dhe njësi të tjera nga qeveria turke ndërsa 200 të tjera dhe infrastruktura mbështetëse nga qeveria shqiptare.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.