“Ringritje nga dështimi” – Aksionet e Alibaba rriten me 7%, investitorët amerikanë do lejohen të investojnë tek kompania

Amerikanët nuk do të ndalohen të investojnë në Alibaba, sipas një raporti nga The Wall Street Journal të Mërkurën.

Gjigandi i tregtisë elektronike me qendër në Kinë ishte nën shqyrtim nga zyrtarët e Departamentit të Shtetit për t’u shtuar në një listë të Departamentit të Mbrojtjes të kompanive që mbështesnin ushtrinë, inteligjencën dhe shërbimet e sigurisë të Kinës. Amerikanët nuk mund të investojnë në ndonjë kompani që shtohet në listë.

Aksionet e Alibaba u rritën deri në 7% në tregtinë e së Mërkurës pas raportit.

Sekretari i Thesarit Steven Mnuchin ka qenë kundër ndalimit të investitorëve amerikanë që të jenë në gjendje të investojnë në tre gjigandët e teknologjisë.

Zyrtarët e Departamentit të Shtetit kishin kërkuar të merrnin një qëndrim më të ashpër kundër Pekinit dhe menduan se kishin një argument bindës për ndalimin e firmave deri të Mërkurën, tha raporti.

Alibaba ka parë një seri tregtish të paqëndrueshme në javët e fundit, me kompaninë që i nënshtrohet presionit të rritur rregullator nga zyrtarët kinezë. Themeluesi i Alibaba Jack Ma ka qenë larg vëmendjes së publikut që kur Kina ndaloi papritur IPO të shumë pritur të Ma, Ant Group.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.