Riorganizimi i politikave në Rusi pritet të mbajnë Vladimir Putin në pushtet përtej vitit 2024!
Presidenti rus Vladimir Putin propozoi ndryshime në kushtetutë këtë Javë, që mund t’i japin atij mundësi për të mbajtur kontrollin pas largimit nga presidenca dhe zgjodhi një kryeministër të ri, pasi Dimitry Medvedev dhe kabineti i tij u larguan.
Putin ka sugjeruar uljen e fuqisë së presidencës dhe fuqizimin e rolit të Kryeministrit. Këto levizje janë interpretuar si një përgatitje për vitin 2024, kur Putin, tashmë 67-vjeç, do të largohet nga presidenca, pasi ka mbajtur kontrollin në Kremlin në mënyrë të vazhdueshme që prej 1999. Putin zgjodhi Mikhail Mishustin, kreun e shërbimit federal tatimor, për kryeministër të ri.
Mishustin është një mik i Putin, por ai nuk ka një profil publik dhe nuk është përfolur si një kandidat i mundshëm. Dimitry Medvedev, që i ka shërbyer Putin për periudhën më të gjatë, dha dorëheqjen duke thënë se presidentit i duhet një ekip i ri për të zbatuar vizionin e tij.
Heqja e Medvedev, i cili është fajësuar për performancën e dobët ekonomike dhe rënien e standardeve të jetesës në vitet e fundit, mund t’i japë nxitje Kremlinit pë të rritur mbështetjen publike, ndërkohë që mandati i Putin arrin drejt fundit.
Kritikët kanë akuzuar prej kohësh presidentin mbi përpjekjet për të qëndruar në pushtet pas përfundimit të mandatit të tij.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.