Ripërtëritja e policisë së shtetit, Rama: Qeveria do të financojë për transformimin e Akademisë së Sigurisë
53 studentë ekselentë, nga 541 që aplikuan gjithsej, nisin kursin e oficerit të policisë kriminale pranë Akademisë së Sigurisë.
Në fjalën përshëndetëse, gjatë ceremonisë së zhvilluar, kryeministri Edi Rama garantoi më shumë financime për transformimin e akademisë, si e vetmja mundësi për realizimin e synimit modernizim dhe ripërtëritje e policisë së shtetit.
Rama u ndal dhe tek krijimi i një strukture të re shërbimi e cila do të shërbejë për ruajtjen e objekteve.
Kjo strukturë, sipas kryeministrit, do t’’i jap mundësi më të moshuarve në radhët e policisë së shtetit për një pagë si dhe do të spastrojë radhët e policisë private.
Më herët Ministri i Brendshëm Sandër Lleshaj foli për një interes të shtuar për t’u bërë pjesë e policisë së shtetit, ku për patrullë të përgjithshme aplikuan 10 mijë të rinj.
Procesi i rekrutimit në radhët e policisë së shtetit pritet të hapet sërish në shtator të këtij viti.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.