“Rishikim çmimit të ujit” / Shani: Gati, metodologjia e re. Asnjë ujësjellës s’e merr ndershmërisht aktin higjieno-sanitar
Enti Rregullator i Ujit po përfundon metodologjinë për përcaktimin e tarifave të ujit, duke synuar që kompanitë e ujësjellës-kanalizimeve të përballojnë kostot e operimit dhe mirëmbajtjes. Gjithçka u bë me dije nga kreu i ERRU-së, Ndriçim Shani gjatë raportimit në parlament mbi raportin vjetor të institucionit që ai drejton për vitin 2020.
Shani u ndal dhe te përballimi i faturave të ujit nga familjet në nevojë, duke kërkuar subvencione.
Ndërkaq, sa i takon performancës të shoqërive të ujësjellës-kanalizimeve ai tha se shumë prej treguesve u përkeqësuan në vitin 2020.
Paralelisht, kreu i ERRU-së solli në vëmendjen pajisjen e shoqërive me aktin e inspektimit higjeno-sanitar, duke kërkuar ndryshime legjislative, pasi sipas tij edhe ato kompani që e kanë marrë aktualisht, nuk e kanë përfituar me ndershmëri.
Ola Mitre – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.