Rishikim tatimit mbi të ardhurat – Shehu: 23% krijon pabarazi, taksa më lartë për paga normale
Në kohën kur pritet miratimi i paketës fiskale në komisionet parlamentare e më tej në Kuvend, bizneset rikthejnë sërish vëmendjen tek ndërhyrjet që duhen bërë në tatimin mbi të ardhurat.
Në një intervistë për TV SCAN, eksperti i taksave Olindo Shehu, e konsideron të pamjaftueshme rritjen e fashës deri në 150 mijë lekë, ku aplikohet tatimi 23 për qind dhe propozon sërish rishikim.
Sipas tij, aplikimi i tatimit 23 për qind për pagat mbi 150 mijë lekë, krijon pabarazi të theksuar.
Ndërsa prezantoi paketën fiskale, qeveria rriti pragun e pagave që tatohen me 23 për qind nga 120 mijë lekë në 150 mijë, ku sipas Ministrisë së Financave, përfitues do të jenë rreth 16 mijë punonjës.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.