Rishikohet ekonomia britanike. Rritet më shumë se sa pritej në fund të 2020. Viti në total, i “mjerueshëm”

Ekonomia e Britanisë, e goditur nga koronavirusi, është rritur më shumë se ç’pritej më parë në 3 mujorin e fundit të vitit të kaluar, por megjithatë, është tkurrur me normën më të madhe në 3 shekuj për vitin 2020 në total.  Shifrat treguan gjithashtu kursimet më të mëdha të familjeve në historik gjatë 2020-s, që sipas Bankës së Anglisë do të nxisë rimëkëmbjen kur konsumatorët të lirohen nga masat e karantinës.

Produkti i Brendshëm Bruto u rrit me 1.3% nga Tetori në Dhjetor, krahasuar me tremujorin e kaluar, sipas Zyrës Kombëtare të Statistikave në Londër. Vlerësimi fillestar i zyrës qëndronte në 1%. Për vitin 2020 në total, produkti i Brendshëm Bruti ra me 9.8% nga 2019-a, nga 9.9% që u vlerësua fillimisht.

Ekonomia britanike ka pësuar një nga goditjet më të mëdha nga të gjitha vendet e Organizatës për Bashkëpunim dhe Zhvillim Ekonomik, duke lënë përpara vetëm Argjentinën dhe Spanjën.   Ekonomia e Britanisë vazhdon të qëndrojë 7.3% më e vogël se përpara pandemisë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.