Rishikohet projekti ekzistues për rikonstruksionin e segmentit rrugor Perlat – Kurbnesh – Krej Lurë! Hapet tenderi

Fondi Shqiptar i Zhvillimit ka hapur tenderin për rishikimin e projektit ekzistues për rikonstruksionin e segmentit rrugor Perlat – Kurbnesh – Krej Lurë dhe Projektim për rikonstruksionin e segmentit rrugor Krej Lurë – Fushë Lurë.  Fondi limit është 19 milionë e 597 mijë lekë dhe afati I mbylljes së ofertave është data17 mars 2020.

Aksi rrugor Perlat i Epërm– Kurbnesh- Krej Lurë-Fushë Lurë ka gjatësi totale 39,5 Kilometra.

Rruga është e pa asfaltuar, me shtresa material i thyer guror dhe kalldremi. Gjerësia e trupit të rrugës varion nga 3.5-5.0 m. Rruga zhvillohet në një terren kodrinor-malor me pjerrësi relativisht të mëdha që variojnë nga 3-12% dhe zhvillohet në formacione të forta dhe të qendrueshme shkëmbore. Segmenti rrugor shoqërohet gjatë gjithë gjatësisë së tij me vepra arti të vogla dhe mesatare (tombino, mure, ura, etj.) me dëmtime pjesore.

Objektivi kryesor i projektit: “Rikonstruksioni i rrugës Perlati Epërm – Kurbnesh- Fushë Lurë” është përmirësimi i aksesit të turistëve dhe vizitorëve drejt potencialeve turistike natyrore e kulturore te zonës, duke ofruar një mundësi për zhvillimin ekonomik të komuniteteve lokale dhe terë rajonit. Projekti i rikonstruksionit do të synojë të përmirësojë qarkullimin dhe sigurinë rrugore duke ruajtur gjurmën ekzistuese të rrugës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.