Risitë në procedurat tenderuese – Kashta: Lehtësim bizneseve, por edhe rritje e përgjegjshmërisë. Ulet koha e ankimimit
Komisioni parlamentar i Ligjeve ka miratuar në parim projektligjin “Për prokurimin publik”, që parashikon një sërë ndryshimesh në procedurat tenderuese. Kryetarja e Agjencisë së Prokurimit Publik Reida Kashta tha, qëllimi është përmirësimi i kuadrit rregullator dhe lehtësimin e procedurave tenderuese.
Përveç lehtësive të krijuara ndaj biznesit, ligji i ri vendos mekanizma mbrojtëse nga autoriteteve kontraktore, duke kërkuar rritjen e përgjegjshmërisë së bizneseve. Këto ndryshime lidhen me sigurimin e ofertës dhe tërheqjen e operatorëve e ekonomikë nga nënshkrimi i kontratës.
Ligji i ri parashikon edhe shtimin e llojit të proceduarve tenderuese që mund të përdoren, teksa shton edhe një sërë mekanizmash ankimues. Më konkretisht, me ligjin e ri ankesat do të mund të depozitohen njëkohësish pranë autoriteti kontraktor dhe Komisionit të Prokurimit Publik, duke mos pritur 2 afate ankimuese. Gjithashtu, ligji i ri lejon ankesat edhe për prokurimet me vlerë të vogël dhe për procedurat me negocim, pa shpallje parapake, që njihen edh si procedurat më pak konkurruese. Për herë të parë, në legjislacionin shqiptar futet edhe koncepti i pavlefshmërisë së kontratës, në rast të konstatimit të shkeljeve.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.