Rivalët politikë mbështesin ofertën e OKB për të rifilluar bisedimet e paqes në Qipro

Udhëheqësit rivalë të Qipros etnikisht të ndarë kanë sinjalizuar gatishmërinë e tyre për të mbështetur një kërkesë nga Sekretari i Përgjithshëm i Kombeve të Bashkuara, Antonio Guterres për të shqyrtuar mundësinë e ringjalljes së bisedimeve të ribashkimit, tha OKB të martën.

Të dy udhëheqësit ranë dakord t’i “përgjigjen pozitivisht” thirrjes së shefit të KB për një takim joformal që do të “në një klimë të favorshme” dhe “në një fazë të përshtatshme” testojë ujërat për një kthim të mundshëm në bisedime pas 3 vitesh e gjysëm pauze, tha zëdhënësi i KB Aleem Siddique në një deklaratë me shkrim.

Deklarata erdhi pas një takimi dy-orësh midis presidentit grek qipriot të vendit ishullor, Nicos Anastasiades dhe Ersin Tatar, udhëheqësi i sapo zgjedhur i qipriotëve turq të shkëputur.

Ishte takimi i parë ballë për ballë i dy burrave që nga zgjedhja e Tatar që u dha atyre mundësinë për t’u prononcuar mbi pozicionin e tyre në çështjet kryesore që kanë parandaluar një marrëveshje përparimi në gati pesë dekada të negociatave të KB.

Takimi, i organizuar nga kreu i forcës paqeruajtëse të KB në Qipro, Elizabeth Spehar, në rezidencën e saj zyrtare brenda zonës tampon të ishullit të kontrolluar nga OKB, u dha udhëheqësve “një mundësi për t’u njohur me njëri-tjetrin dhe për të bërë shkëmbimin e tyre të parë jozyrtar të pikëpamjeve në një atmosferë të përzemërt “, sipas deklaratës së KB.

Duke folur pas takimit, Anastasiades tha se ai do të preferonte të mos bënte vërejtje në këtë fazë që mund të “ndot” klimën. Por ai tregoi se ai dhe Tatar mbeten larg njëri-tjetrit në çështjet thelbësore, duke përfshirë një federatë të parashikuar për të cilën të dy palët ranë dakord dekada më parë do të formonte bazën e çdo marrëveshje paqeje. (AP)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.