Rregulla të reja për maskat në Kinë – Autoritetet synojnë të frenojnë rastet në rritje të COVID-19
Komisioni Kombëtar i Shëndetit në Kinë ka rinovuar udhëzimet e tij për mbajtjen e maskave mjekësore për të ndihmuar publikun të mbrohet nga epidemia e COVID-19. Bazuar në karakteristikat më të fundit të epidemisë, udhëzimet e reja informojnë publikun që jo vetëm të mbajë maska në hapësirat publike të brendshme, por edhe kur ndodhet në vende të mbushura me njerëz në natyrë, siç janë parqet dhe sheshet.
Udhëzimet, gjithashtu renditën tre profesione që duhet të mbajnë maska siç janë njësitë e tregtisë, punonjës në institucionet mjekësore dhe personeli i shërbimit në vende publike. Për ata që shkojnë në spitale për simptoma që përfshijnë dhimbje të fytit, kollë dhe ethe, udhëzimet këshillojnë mbajtjen e maskave mjekësore të niveleve më të larta të mbrojtjes.
“Kemi bërë rishikime në udhëzimet përkatëse të mbrojtjes, duke shtuar kategoritë nga 65 në 85. Së pari, 65 kategoritë e mëparshme u përditësuan me kërkesa të përforcuara të bëra për mbajtjen e maskave, vaksinimin dhe monitorimin e shëndetit. Së dyti, 10 kategori shtesë u shtuan si vende dhe institucione kryesore për të forcuar monitorimin e shëndetit. Së treti, 10 kategori shtesë duke përfshirë stafin e pastrimit, shoferët, policinë ndihmëse dhe punonjësit e stacioneve të ngarkimit në aeroporte u shtuan si grupe kryesore të njerëzve për të forcuar kërkesat e mbrojtjes së shëndetit”, deklaroi inspektori i Departamentit të Kontrollit dhe Parandalimit të Sëmundjeve në Komisionin Kombëtar të Shëndetit.
Klevis Llaha/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.