Rregulla të reja për turistët  e huaj – Ky shtet nuk do të lejojë kalimin nëse nuk janë vaksinuar

Të gjithë turistët e huaj që duan të vizitojnë Singaporin, nuk do të lejohen të kalojnë në rast se nuk kanë kryer vaksinat e nevojshme.

Vendi prej 5.6 milionë banorësh është një destinacion popullor turistik me 17.4 milionë vizitorë të regjistruar në vitin 2017. Në 2003 vendi u godit rëndë nga ‘shpërthimi’ i rëndë i Sindromës respiratorë akute (SARS).

Turistëve aktualisht u kërkohet vetëm vaksinimi kundër verdhëzës, varësisht nga gjendja shëndetësore në të cilën ndodhen gjatë kohës që vizitojë Singaporin.

Për momentin, vizitorët që nuk janë të vaksinuar mund të hyjnë, por me kusht që të marrin vaksinën dhe të jenë nën mbikëqyrje të vazhdueshëm. Megjithatë, ndryshimet legjislative të propozuara, të cilat u publikuan nga Ministria e Shëndetësisë, do t’u dorëzohen autoriteteve për të kthyer vizitorët e pavaksinuar në vendin e origjinës.

Sipas Ministrisë, ky veprim ka për qëllim ruajtjen nga sëmundje të tilla si gripi i shpendëve, Ebola dhe Sindromi respirator i Lindjes së Mesme.

“Si një qendër e madhe globale tregtare dhe turistike, është e domosdoshme që ne të mbetemi vigjilentë ndaj kërcënimeve të shëndetit publik , duke mbrojtur komunitetin kundër sëmundjeve infektive”, deklaroi Ministria.

Shpërthimi i SARS në 2003 vrau 33 njerëz në Singapor, shkaktoi humbje të mëdha në ekonomi dhe goditi një numër të madh turistësh ndërkombëtarë. Ndryshimet e propozuara pritet të përmirësojnë mbikëqyrjen e sëmundjeve infektive si dhe do të forcojnë kontrollet brenda vendit.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.