Rregullimi i tregut për lëndët plasëse – Koçi: Projektligji garanton siguri për publikun dhe konkurrencë të ndershme në treg
Hedhja në treg dhe përdorimi i lëndëve plasëse dhe atyre piroteknike do t’i nënshtrohen monitorimeve më të rrepta për të rritur sigurinë publike. Sipas projektligjit të prezantuar në komisionin parlamentar të sigurisë, nga zv. ministri i Mbrojtjes, Petro Koci , ndryshimet e bëra i përshtaten direktivave të BE dhe krahas sigurisë garantojnë dhe konkurrencën e ndershme në treg .
I pranishëm në komision ishte edhe përfaqësuesi i Agjencisë Kombëtare për Kontrollin e Eksporteve Elton Hodaj i cili foli për masat administrative që parashikon projektligji në rast të shkeljeve.
Komisioni miratoi në parim projektligjin “Për hedhjen në treg dhe mbikëqyrjen e artikujve piroteknikë” i cili sipas propozuesve, nuk pritet të ketë kosto shtesë për buxhetin e shtetit .
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.