Rrëshqitja e gurëve në rrugën Tiranë – Elbasan, Gjiknuri: Po hartohet plani i masave për rehabilitimin e plotë të aksit
Pas rrëshqitjes së masivëve të dheut dhe gurëve në aksin Tiranë Elbasan, po hartohet një plan masash për të rehabilituar dhe kthyer në normalitet të plotë këtë aks. Këtë deklaroi ministri i Energjetikës dhe Infrastrukturës Damian Gjiknuri gjatë inspektimit në terren.
“Ndoqa nga afër në terren punën që specialistët e Autoritetit Rrugor Shqiptar po bëjnë për analizimin e shkaqeve që sollën rrëshqitjen masive të gurëve në segmentin që lidh Elbasanin me tunelin e Kërrabës. Kalimi i mjeteve është zgjidhur përkohësisht me një bypass, ndërsa po hartohet plani i masave që do të mundësojnë rehabilitimin dhe kthimin e aksit plotësisht në normalitet”, shkruan ministri në facebook.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.