Rrëshqitje dherash dhe bllokime aksesh nëpër Shqipëri! ARRSH informon për situatën
Autoriteti Rrugor Shqiptar informon se gjatë natës kanë vazhduar reshjet në të gjithë territorin, në veri ka pasur reshje bore me intensitet normal dhe është punuar për pastrimin e akseve e shpërndarjen e kripës. Sipas ARRSH-së, vazhdon qarkullimi normal në të gjitha akset kombëtare.
“Rënia e materialeve në segmentet: Librazhd-Elbasan, Elbasan-Gjinar, Fushë Arrëz-Kalimash Mollas-Selitë është pastruar me mjete e punëtorë dhe kontraktorët janë në terren në gadishmëri. Në rrëshqitjen e Surrelit ka filluar puna për evadimin e masivit të dherave për pastrimin e rrugës” njofton ARRSH.
Ndërkohë, në rrugën e Dardhës në orët e para të mëngjesit, për shkak të temperaturave të ulëta rekomandohet që nga km 6 deri në km 13 të qarkullohet me zinxhirë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.