Rrëshqitjet në aksin Memaliaj-Tepelenë – ARRSH: Nis puna për rehabilitimin, ndërhyrjet që do të kryhen
Autoriteti Rrugor Shqiptar njofton se ka nisur puna te rrëshqitja në aksin Degëzim Memaliaj-Tepelenë. Sipas ARRSH-së, nga inspektimet rutinë të kontraktorit është konstatuar rrëshqitja e murit për shkak të mosfunksionimit të sistemit të drenazhit e shkarkimin e pakontrolluar të ujërave sipërfaqësore.
Projekti përfshin një sërë ndërhyrjesh me qëllim rritjen e sigurisë për përdoruesit e rrugës.
“Për të mos lejuar dëmtimin e mëtejshëm të trupit të rrugës, u përgatit një projekt për stabilizimin e rrëshqitjes me gjeogrid. Ky projekt parashikon një strukturë Gjeosintetike (Terramesh) me gjatësi 36 m dhe lartësi 6-9 m përgjatë lumit Vjosë. Më tej do të rehabilitohet sistemi i Drenazhit të ujërave sipërfaqësore. Ndërkohë te portali shkarkues do të zbatohet elementi i shuarjes, në mënyrë që të parandalohet fenomeni i mëtejshëm i erozionit”, thuhet në njoftimin e ARRSH-së.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.