Rreth 1.25 milion ton drithra të bllokuara – Qendrimi për 3 muaj në anije do t’i dëmtonte

Rreth 1.25 milion ton drithra dhe farëra vajore janë ende në anijet tregtare të bllokuara në portet detare të Ukrainës për shkak të pushtimit të Rusisë dhe një pjesë e ngarkesës mund të dëmtohet në të ardhmen e afërt. Ukraina dikur eksportonte pothuajse të gjithë drithin dhe farat vajore nëpërmjet porteve detare dhe tani është e detyruar të gjejë rrugë të reja pasi portet e saj janë të bllokuara.

Para luftës, Ukraina eksportonte deri në 6 milion ton drith dhe farë vaji në muaj, ndërsa në mars eksportet ranë në 200,000 ton. Sipas zyrtarëve, aktualisht janë 57 anije me 1.25 milion ton drith dhe fara vajore në pritje. Ata shtuan, se nëse gruri ruhet për më shumë se tre muaj në anije, lindin probleme dhe një pjesë e ngarkesës mund të dëmtohet.

Ukraina eksporton tradicionalisht drithra në Afrikën e Veriut dhe Lindjen e Mesme dhe këto rajone do të detyrohen të shpenzojnë më shumë para’ dhe të fokusohen në grurin me origjinë jo-ukrainase.

Importuesit tashmë po shpenzojnë më shumë dhe situata me furnizimin me drith nga Ukraina mund t’i shtyjë këto vende të krijojnë rezerva më të mëdha drithi çka do të rriste çmimet.

Sipas zyrtarëve ukrainas, edhe nëse kjo situatë do të përfundojë me magji nesër, vala e çmimeve të larta do të jetë edhe 3 deri në 5 vjet.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.