Rreth 1 miliard lekë shpronësime në Kombinat! Pronarët që preken nga zona e re për zhvillim

Ministria  e  Infrastrukturës  dhe  Energjisë  ka shpallur kërkesën për shpronësim dhe/ose për shkëmbimin e  pronës,  për  interes  publik,  në  zonën  e  re për zhvillim në Kombinat. Njësia  zbatuese  për  këtë  projekt  është  Bashkia Tiranë.

Personat që preken nga ky projekt të cilët kanë emrin  në  tabelën  e  publikuar  dhe  personat  të  cilët preken por nuk figurojnë në këto lista, jo më vonë se   15   (pesëmbëdhjetë)   ditë   nga   publikimi   në Fletoren Zyrtare dhe në portalin unik qeveritar për rindërtimin, kanë të drejtë të paraqesin pretendimet e  tyre,  të  shoqëruara  me  dokumentet  përkatëse, pranë  BashkisëTiranë,  si  dhe  në  Ministrinë  e Infrastrukturës  dhe  Energjisë,  duke  u  shprehur nëse  pranojnë  kalimin  vullnetar  të pronësisë  me kushtet e ofruara.

Kërkesa për shpronësim dhe/ose shkëmbimin e pronës,  për  interes  publik,  në  funksion  të  procesit të  rindërtimit,  është  me  vlerë  totale  paraprake  të kompensimit nga shpronësimi në shumën prej 939 milionë e 869 mijë e  682 lekë.

Në total, për këtë projekt preken 282 prona private dhe shtetërore.

Për të lexuar listën emërore të të shpronësuarve:KLIKO KETU

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.