Rreth 12 mijë doza vaksine Pfizer mbërrijnë në vendin tonë – Vaksinimi masiv kalon 612 mijë / Synohen 1 milion doza brenda qershorit
Nëpërmjet një njoftimi në faqen zyrtare Ministrja e Shëndetësisë, Ogerta Manastirliu ka bërë me dije se kanë mbërritur edhe 11,700 doza të tjera të vaksinës Pfizer në vendin tonë.
“Çdo javë do të vijnë vaksina AntiCovid, sipas kalendarit të lëvrimit të kontratave që kemi siguruar”, ka shkruar Manastirliu.
Më shumë se 760 mijë vaksina kanë mbërritur deri tani në Shqipëri dhe rreth 20 mijë vaksinime janë kryer për uniformat blu në të gjithë vendin, teksa vaksinimi masiv ka kaluar 612 mijë vaksinime për qytetarët më të rrezikuar.
Manastirliu është shprehur se do të vijojmë pa u ndalur drejt objektivit tonë për të kryer 1 milion vaksinime deri në qershor.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.