Rreth 424 milion lekë për rindërtimin e banesave individuale në Durrës, Kamzë, Vorë, Shijak dhe Mirditë / Si do të shpërndahet fondi

Nëpërmjet një njoftimi të publikuar në Fletoren Zyrtare është njoftuar miratimi i fondit për financimin e rindërtimit të banesave individuale në bashkitë Durrës, Kamzë, Vorë, Shijak dhe Mirditë.

Me propozimin e ministrit të Shtetit për Rindërtimin, Këshilli i Ministrave ka vendosur:

1. Përdorimin e fondit të rindërtimit, në masën 423 870 160 (katërqind e njëzet e tre milionë e tetëqind e shtatëdhjetë mijë e njëqind e gjashtëdhjetë) lekë, për financimin e rindërtimit të banesave individuale, për ata individë, të cilët përfitojnë nga grantet e rindërtimit, banesat e të cilëve janë klasifikuar si objekte që duhen rindërtuar nga e para, në bashkitë Durrës, Kamzë, Vorë, Shijak dhe Mirditë, sipas detajimit të mëposhtëm:

a) Bashkisë Durrës i transferohet fondi në masën 127 823 334 (njëqind e njëzet e shtatë milionë e tetëqind e njëzet e tre mijë e treqind e tridhjetë e katër) lekë;

b) Bashkisë Kamzë i transferohet fondi në masën 95 200 000 (nëntëdhjetë e pesë milionë e dyqind mijë) lekë;

c) Bashkisë Vorë i transferohet fondi në masën 47 080 850 (dyzet e shtatë milionë e tetëdhjetë mijë e tetëqind e pesëdhjetë) lekë;

ç) Bashkisë Shijak i transferohet fondi në masën 80 410 770 (tetëdhjetë milionë e katërqind e dhjetë mijë e shtatëqind e shtatëdhjetë) lekë;

d) Bashkisë Mirditë i transferohet fondi në masën 73 355 206 (shtatëdhjetë e tre milionë e treqind e pesëdhjetë e pesë mijë e dyqind e gjashtë) lekë.

1. Efekti financiar, sipas pikës 1, të këtij vendimi, përballohet:

a) Në masën 300 000 000 (treqind milionë) lekë nga gjendja e pashpërndarë e granteve/donacioneve të rindërtimit, përkatësisht, për:

1. Bashkinë Durrës në masën 127 823 334 (njëqind e njëzet e shtatë milionë e tetëqind e njëzet e tre mijë e treqind e tridhjetë e katër) lekë;
2. Bashkinë Kamzë në masën 95 200 000 (nëntëdhjetë e pesë milionë e dyqind mijë) lekë;

iii. Bashkinë Vorë në masën 47 080 850 (dyzet e shtatë milionë e tetëdhjetë mijë e tetëqind e pesëdhjetë) lekë;

1. Bashkinë Shijak në masën 29 895 816 (njëzete nëntë milionë e tetëqind e nëntëdhjetë e pesë mijë e tetëqind e gjashtëmbëdhjetë) lekë.
2. b) Në masën 123 870 160 (njëqind e njëzet e tre milionë e tetëqind e shtatëdhjetë mijë e njëqind e gjashtëdhjetë) lekë nga shpenzimet e fondit të rindërtimit, miratuar për vitin 2021, dhe iu transferohet në formën e transfertës së pakushtëzuar, përkatësisht, për:
3. Bashkinë Shijak, në masën 50 514 954(pesëdhjetë milionë e pesëqind e katërmbëdhjetë mijë e nëntëqind e pesëdhjetë e katër) lekë;
4. Bashkinë Mirditë, në masën 73 355 206 (shtatëdhjetë e tre milionë e treqind e pesëdhjetë e pesë mijë e dyqind e gjashtë) lekë.
5. Ngarkohen ministri i Shtetit për Rindërtimin, Ministria e Financave dhe Ekonomisë dhe bashkitë Durrës, Kamzë, Vorë, Shijak dhe Mirditë për zbatimin e këtij vendimi. Ky vendim hyn në fuqi menjëherë dhe botohet në Fletoren Zyrtare.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.