Rreth 700 milionë dollarë për rindërtimin, Ahmetaj: Këtë vit janë alokuar 320 milionë. Valteri: Asnjë qytetar s’ka marrë shtëpi
I thirrur në interpelancë për ecurinë e procesit të rindërtimit Ministri Arben Ahmetaj ka raportuar se për vitin 2020 janë alokuar rreth 320 milionë dollarë dhe ka nisur puna në të gjitha kantieret dhe se janë paguar 21,800 qytetarë, të cilëve u janë dëmtuar banesat.
Rreth 280 milionë dollarë do të paguhen në vitin e ardhshëm, ndërkohë që një shifër prej rreth 60 milionë dollarësh është llogaritur për vitin 2022.
Por, Deputeti Halit Valteri, kërkuesi i interpelancës, ka vënë në dyshim shifrat duke thënë se asnjë nga mijëra familjet e mbetura në qiell të hapur në Tiranë e Durrës nuk kanë hyrë sot nëpër banesat e reja.
Në përgjigje, Ministri Ahmetaj tha se rreth 2 mijë familje nuk pranojnë të lënë çadrat e të strehohen në apartment me qira, ndërkohë që përfitojnë prej kohësh bonusin e qirasë.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.