Rreziku i lindjeve të ulëta në Itali / Papa Françesku paralajmëron për kostot e larta dhe mentalitetin e gabuar
Kosto e rritjes së fëmijëve është bërë shumë e lartë dhe prindërve u duhet më shumë ndihma për të rritur normën e ulët të lindshmërisë, që po cenon të ardhmen e vendeve si Italia, sipas Papa Françeskut. Gjatë një konference në Itali, Papa Françesku tha se sipas sondazheve , shumica e të rinjve kërkojnë të kenë një fëmijë, por janë të shqetësuar mbi kostot e larta.
Në të njëjtin event, Kryeministri Mario Draghi tha se Italia pati vetëm 404,000 lindje në vitin e kaluar, që është norma më e ulët që kur nisën regjistrimet dhe në rënie me 30% krahasuar me 12 vite më parë. Nga ana tjetër, vdekjet arritën në një total prej 746,000, pjesërisht nga pandemia e Covid-19. Problemi i lindshmërisë së ulët nuk është vetëm në Itali, ndërkohë që të dhënat më herët gjatë muajit treguan se lindjet në Kinë ranë me 18% vitin e kaluar, në nivelin më të ulët që prej vitit 1961 dhe norma në SHBA ra me 4% në nivelin e vitit 1979. Rënia e madhe në vitin 2020 e lindjeve në shumë vende është fajësuar edhe nga stresi e pasiguria nga Covid. Megjithatë, tendenca e fertilitetit në pjesën më të madhe të botës së zhvilluar ka qenë në rënie prej vitesh. Papa tha se ndryshimi i vlerave mban një pjesë të vajit, ndërkohë që shoqëria moderne i jep rëndësi fitimit të parave dhe ndërtimit të karrierës, ndërkohë që fëmijët shihen si një shpërqendrim. Ai iu drejtua gjithashtu të rinjve, duke thënë se zgjedhin shembuj të gabuar për të ndjekur, duke u fiksuar me paraqitjen dhe mos qenë të gatshëm për të bërë sakrifica për të rritur një familje.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.