Rreziku kryesor i Brexit – Bankat nuk janë përgatitur ende për Marsin 2019

Shqetësimet e bankave për Brexit ka qenë tema kryesore e një sondazhi të sektorit të shërbimeve financiare të Britanisë, pavarësisht se ndjesia e bizneseve është stabilizuar në tremujorin e dytë dhe rekrutimet janë përshpejtuar.

Sondazhi i Konfederatës së Industrisë Britanike dhe PwC ka anketuar firma në të gjithë sektorin financiar të Britanisë dhe ka zbuluar se 1/3-ta e bankave nuk kanë besim se do të zbatohen të gjithë planet e Brexit deri në Mars të vitit që vjen.

Huadhënësit ishin gjithashtu të shqetësuar për statusin e kontratave përtej kufijve gjatë periudhës së tranzicionit që përfundon në vitin 2020. Marrëveshja për tranzicionin që nis në Mars 2019,  nuk është ratifikuar ende në mënyrë që t’i japë firmave financiare siguri ligjore.

Marrëdhënia e ardhshme mes Britanisë dhe Bashkimit Europian për shërbimet financiare, që është sektori më i rëndësishëm ekonomik i Britanisë, nuk është rënë dakord ende. Mungesa e qartësive ka bërë që bankat dhe kompanitë e sigurimeve të themelojnë qendra në Europë.

Konfederata e Industrisë Britanike bëri të ditur se kanë kaluar 3 vite që nuk shihet ndonjë përmirësim i dukshëm në ndjesinë e firmave të shërbimeve financiare.  “Në mënyrë që sektori të vazhdojë të thithë investime dhe krijojë vende pune pas Brexit, Qeveria duhet të arrijë një marrëveshje unike me Brukselin”, deklaron CBI.  Rekrutimet janë rritur për tremujorin e dytë radhazi dhe investimet në teknologjinë e informacionit pritet të rriten me normën më të shpejtë në 3 vite, nxitur nga shërbimet dhe rregulloret e reja, sipas sondazhit.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.