Rreziku nga paratë e “pista” – Raporti për 2018: Ulen transfertat e dyshimta për pastrim parash nëpër banka
Aplikimi nga ana e bankave tregtare i rregullave më strikte lidhur me llogaritë, depozitat apo transfertat kanë ndikuar në uljen e rasteve të dyshimta për pastrim parash gjatë vitit 2018.
Raportimet e bankave për transferta apo veprime të dyshimta për vitin e shkuar janë ulur me 17.9% krahasuar me një vit më parë. E dhëna vjen përmes raportit zyrtar të Drejtorisë së Përgjithësime të Parandalimit të Pastrimit të parave, sipas së cilës numri total i raportimeve për aktivitete të dyshimta gjatë vitit 2018 ka rënë në 563, nga 686 në vitin parardhës. Në total, numri i raportimeve për veprime të dyshimta është rritur me 10% krahasuar me një vit më parë: në vitin 2017 numri i raportimeve ishte 1,384, për të shkuar në 1,525 gjatë 2018-ës.
Ndërkohë që rritje të dukshme të trasnsfertave të dyshimta kanë raportuar noterët dhe hipotekat. Në total numri i raportimeve për aktivitete të dyshimta për pastrim parash të raportuara nga subjektet që kanë këtë detyrim ligjor ka arritur në mbi 1500 vitin e shkuar.
Trafikimi i lëndëve narkotike dhe aktivitetet e ndryshme kriminale kanë qenë edhe veprat mëmë nga kanë buruar këto fonde të dyshimta të qarkulluara në territorin shqiptar.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.