Rreziku i pastrimit të parave – Hipotekat raportojnë 428 transaksione të dyshimta

Në harkun kohor të katër viteve, hipotekat kanë raportuar në total 428 transaksione të dyshimta me pasuritë e paluajtshme. Numri më i madh i këtyre raportimeve është bërë në vitin 2015, kur hipotekat kanë referuar 303 transaksioneve të dyshimta, ndërkohë që në vitin e shkuar numri i tyre është ulur në 205. Të dhënat konfirmohen nga Drejtoria e Përgjithshme e Parandalimit të Pastrimit të Parave.

Të njëjtin trend kanë shënuar edhe transaksionet e dyshimta të raportuara pranë Drejtorisë së Përgjithshme të Parandalimit të Pastrimit të Parave nga noterët dha bankat.

SCAN ka zbardhur se nga këto subjekte janë raportuar të paktën 850 raste të blerjes së pasurive të paluajtshme me fonde të dyshimta. Bëhet fjalë për blerje pasurish të paluajtshme me burim të panjohur të fondeve.  421 prej blerjeve janë raportuar në vitin 2015, ndërkohë që gjatë vitit të shkuar janë raportuar 258 raste.

Rritja e rrezikut të pastrimit të parave u konfirmua edhe nga Instituti i Baselit në Zvicër, i cili vetëm pak muaj më parë publikoi raportin për 2017. Shqipëria këtë vit renditet në vendin e 85-të mes 147 shteteve me një pikëzim prej 5.75, duke shënuar përkeqësim në raport me vitin e kaluar, pasi ishte 5.04.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.