Rrëzohet mes polemikave dekreti i Metës – Komisioni i Ligjeve voton kundër Presidencës: Këshilltari: Po i mohohet fjala Kreut të Shtetit
Komisioni Parlamentar i Ligjeve ka rrëzuar me 14 vota Dekretin e Presidentit të Republikës, i cili ktheu për rishqyrtim ndryshimet në Ligjin për Gjendjen Civile. Arsyet e kthimit të Ligjit për rishqyrtim u paraqitën në Komision nga Këshilltari Ligjor i Presidentit Bledar Dervishi, sipas të cilit ndryshimet kanë pasoja ligjore dhe politike. Sipas Presidencës, ndryshimet e bëra në ligj në këtë fazë të procesit zgjedhor, kanë potencialin për të krijuar kaos në hartimin e listave të zgjedhësve, si dhe mund të influencojë dhe cënojë rëndë përfaqësimin parlamentar. Kreu i shtetit argumenton se përmes këtij ndryshimi i hapet mundësia maxhorancës që të transferojë njerëz në ato zona ku e ndjen veten të dobët politikisht.
Diskutimet mbi këtë projektligj janë mbyllur me polemika mes Kreut të Komisionit të Ligjeve Ulsi Manja dhe Këshilltarit të Presidentit, ndërkohë që ky i fundit akuzoi se ju hoq e drejta e fjalës gjatë punimeve të Komisionit.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.