“Rrisni fondet për kërkimin shkencor” – Rektorët, Ruçit: Kambanë alarmi. Kreu i Kuvendit: Bursa për 100-vjetorin e parlamentit
Rektorët e universiteteve publikë e privatë në vend kanë kërkuar rritjen e fondeve për kërkimit shkencor vend.
Gjatë takimit të dytë të thirrur nga kreu i Kuvendit, Gramoz Ruçi ata e konsideruan mungesën e financimit si një kambanë alarmi, që ndër të tjera po mban peng prej 6 vitesh dhe hapjen e programeve të doktoraturës, ndërsa situatën aktuale në këtë drejtim e quajtën të mjerueshme.
Mbështetje nga Kuvendi u kërkua edhe në drejtim të mbështetjes së përgatitjes së studentëve të mjekësisë. Ndërkaq, kreu I Kuvendit kërkoi nga universitetet në vend akordimin e bursave për studentët, në kuadër të 100-vjetorit të parlamentarizmit shqiptar.
Rektorët mbështetën propozimin e krye parlamentarit, ndërkohë që gjatë takimit u kritikua ashpër edhe vendimi i qeverisë për verifikimin e titujve akademikë apo thënë ndryshe plagjiaturave, duke e konsideruar si të hartuar me shpejtësi pas protestave të studentëve dhe të pazbatueshëm në realitet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.