Rriten me 149 milionë euro të ardhurat nga turistët e huaj që vizituan Shqipërinë 9 muajt e parë të 2017

“Të ardhurat nga turistët e huaj që kanë vizituar Shqipërinë për 9 muajt e parë të vitit 2017 janë rritur me 149 milionë Euro”. Kështu shkruan në rrjetin social “Facebook”, kryeministri Rama, ku ndër të tjera thekson se krahasuar me të njëjtën periudhë të vitit 2016, të ardhurat u rritën me 12.8 për qind.

Ndërkohë, duke bërë një krahasim me vitin 2013, Rama shkruan se të ardhurat u rritën me 550 milionë Euro apo me 72,4 %.

Postimi i Kryeministrit

Mirëmëngjesi dhe me lajmin e mirë se të ardhurat nga vizitorët e huaj që kanë ardhur në Shqipëri për 9 muajt e parë të vitit 2017 janë rritur me 149 milionë Euro apo me 12,8 %, krahasuar me të njëjtën periudhë të vitit 2016 dhe me 550 milionë Euro apo me 72,4 % krahasuar me të njëjtën periudhë të vitit 2013, ju uroj një ditë të mbarë”, shkruan Rama.

os.de/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.