Rriten gjobat për shkeljet në rrugë – Hysi: Investoni në infrastrukturë, pasi është shkak për aksidente apo shkelje nga shoferët
Rritet masa e gjobave për drejtuesit mjeteve që shkelin rregullat e qarkullimit rrugor, duke përfshirë dhe ndëshkimin drejtuesve që manifestojnë sjellje agresive në rrugë. Kuvendi ka miratuar ndryshimet në Kodin Rrugor, që për herë të parë përfshijnë dhe këshillimin e drejtuesit të mjeteve, si një masë përpara gjobitjes, por që do të regjistrohet në sistem.
Vasilika Hysi kërkoi që krahas këtyre ndryshimeve ligjore, ka nevojë edhe për përmirësimin e infrastrukturës rrugore, që jo pak herë bëhet shkak për aksidente apo shkelje të tjera të qarkullimit rrugor, duke penalizuar padrejtësisht drejtuesit e mjeteve.
Ndërkaq, deputeti Myslim Murrizi kërkoi faljen e gjobave të vendosura gjatë pandemisë dhe rikthimin e lejeve për drejtuesit e mjeteve, ndërsa kritikoi Policinë Rrugore për kontrollet joperiodike.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.