Rriten lehtë Dollari e Paundi britanik – Euro vijon të qendrojë në të njëjtat kuota

Dita e enjte në tregun valutor vendas nuk ka sjellë ndryshime për monedhën e përbashkët europiane. Euro vijon të mbetet në kuotën e 126 lekëve edhe gjatë ditës së sotme.

Ndërkohë, dollari amerikan ka shënuar një rritje të lehtë me 0.4 njësi ndaj lekut. Kështu, valuta amerikane këmbehet sot me 107.4 lekë në blerje dhe 108.3 lekë në shitje.

Paundi britanik po ashtu ka shfaqur një tendencë rritje, duke u forcuar me 0.5 pikë ndaj lekut, duke arritur nivelin e 141 lekëve.

Sa i takon valutave të tjera ndërkombëtare, dollari australian dhe dollari kanadez kanë mbetur në vlera të pa ndryshuara nga dita e mërkurë. Në të njëjtat vlera është regjistruar gjithashtu edhe franga zvicerane, e cila vijon të këmbehet me 110.8 lekë në blerje dhe 111.7 lekë në shitje.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.