Rriten ndjeshëm rastet në Gjermani / Numri më i madh ditor që prej Janarit. Vala e tretë godet rëndë
Numri i rasteve të reja me koronavirus në Gjermani është rritur me 22,657 në 2.713 milionë në total, që është rritja më e madhe që prej 9 Janarit, ndërkohë që qeveria e kancelares Angela Merkel po has vështirësi për të përmbajtur valën e tretë të pandemisë.
Totali i vdekjeve u rrit me 228 në 75,440 në total, sipas të dhënave të institutit Robert Koch për sëmundjet infektive. Numri i rasteve për 100,000 banorë në 7 ditët e fundit, një tregues që qeveria e përdor për të vendosur mbi masat e karantinës, u rrit në 113 nga 108 që ishte në 24 orët e fundit. Merkel refuzoi së fundmi kërkesat për një votë të besimit në qeverinë e saj, për shkak të tërheqjes së masave të karantinës gjatë pashkëve, që rriti pakënaqësitë mbi trajtimin e pandemisë. Social Demokratët, partnerët koalicion në qeverinë e Merkel, premtuan mbështetje për kancelaren. “Gjëja e fundit që na duhet është një krizë qeveritare”- tha Carsten Shneider, anëtar i lartë i social demokratëve.
Schneider tha se partia kërkon që të prezantohen teste të detyrueshme të Covid-19 nga kompanitë për punonjësit e tyre, të cilën konservatorët e Merkel i kanë rezistuar deri më tani.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.