Rriten pagat në Kinë – Pjesa më e madhe e sektorëve publikojnë rritje në vitin 2018

Paga mesatare vjetore për punëtorët kinezë në shumë sektorë, pati një rritje të shpejtë vitin e kaluar, sipas  një raporti të zyrës Kombëtare të Statistikave. Paga mesatare për punonjësit urbanë në sektorin publik, pati rritje me 11% në 12 mijë dollarë për vitin 2018, ndërsa në sektorin privat, paga mesatare u rrit me 8.3%, në 7,215 dollarë.

Industritë me zhvillim të shpejtë të manifakturës, teknologjisë së lartë dhe inovacionit, patën rritje të lartë gjithashtu në paga. Nxjerrja e naftës dhe gazit, prodhimi i mineraleve dhe kimikateve, nxjerrja e qymyrit dhe shkrirja e procesimi i metaleve në sektorin publik, patën një rritje të madhe të pagave, sipas raportit.

Analistët thonë se rritja e qëndrueshme e pagave vjen si rezultat i punësimit të shpejtë, rritjes së të ardhurave të kompanive dhe efektivitetin e politikave të shpërndarjes së të ardhurave kombëtare në Kinë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.