Rriten pensionet e vitit ’93-’96, me ndryshimin e ligjit përfitojnë 3000 pensionistë
Rreth 3 mijë pensionist do të përfitojnë nga ndryshimete ligjit për rritjen e pensioneve. Bëhet fjalë për pensione të caktuara në vitin 1993-1996, ku masa e pensionit varionte nga tre mijë lekë në 6 mijë lekë.
Në këtë mënyrë pensionet që janë caktuar në masën nga tre mijë në gjashtë mijë lekë do të barazohen në vlerën e 14 mijë lekëve. Kështu pensionet nga 3 682 lekë deri në 5 420 lekë në muaj, shtohen me shuma fikse, duke arritur në masën 14 089 lekë deri në 23 640 lekë në muaj.
Projektvendimi synon të barazojë pensionet maksimale të harkut kohor 1.10.1993 – 31.12.1996, me pensionin maksimal të caktuar në harkun kohor 1.1.1997 – 31.2.1998, dhe përafron pensionet e tjera mesatare me ato të caktuara në këtë hark kohor. Pensionet maksimale, pas kësaj rritjeje, arrijnë në 23.640 lekë në muaj.
Nga këto ndryshime do të përfitojnë 3000 pensionistë që kanë punuar në punët e kategorisë së parë dhe të dytë, si dhe minatorë të nëntokës. Efektet financiare për zbatimin e këtij projektvendimi do të fillojnë nga data 1.6.2016 dhe do të përballohen nga fondet e buxhetit të Institutit të Sigurimeve Shoqërore.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.